Նոյեմբերի 22-ին՝ ժամը 00.10-ի սահմաններում, Երևանի Բաղրամյան և Արևելյան փողոցների խաչմերուկում իրար են բախվել «ԲՄՎ-318» և «Մերսեդես-C 200» մակնիշի ավտոմեքենաներ, ինչի հետևանքով «ԲՄՎ»-ի վարորդը՝ 1987 թ. ծնված Ալեքսեյ Հակոբյանը, տեղում մահացել է, իսկ ուղևորը և «Մերսեդես»-ի վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
***
Նոյեմբերի 21-ին՝ ժամը 05.00-ի սահմաններում, «ՎԱԶ-21099» մակնիշի ավտոմեքենայի վարորդը Երևանի Մաշտոցի պողոտայի և Թումանյան փողոցի խաչմերուկում վրաերթի է ենթարկել 35-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 21-ին՝ ժամը 13.00-ին, «Օպել» մակնիշի ավտոմեքենայի վարորդը Վարդանանց փողոցում՝ Վարդան Մամիկոնյանի արձանի դիմաց, վրաերթի է ենթարկել 18-ամյա երիտասարդի և նրան տեղափոխել հիվանդանոց:
Կատարվում է քննություն:
***
Նոյեմբերի 21-ին՝ ժամը 19.00-ին, Երևանի Կորյունի փողոցի թիվ 12/1 շենքի մոտ «Մերսեդես» մակնիշի ավտոմեքենայի վարորդը վրաերթի է ենթարկել 20-ամյա և 59-ամյա քաղաքացուհիների, ինչի հետևանքով վերջիններս մարմնական վնասվածքներով տեղափոխվել են հիվանդանոց:
Կատարվում է քննություն:
***
Նոյեմբերի 21-ին՝ ժամը 10.00-ին, «Միցուբիշի Պաջեռո» մակնիշի ավտոմեքենայի վարորդը Երևանի Աբովյան փողոցի 60 հասցեի մոտ վրաերթի է ենթարկել 24-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 21-ին՝ ժամը 13.20-ին, «Մերսեդես Բենց» մակնիշի ավտոմեքենայի վարորդը Երևանի Արցախի և Արին-Բերդի փողոցների խաչմերուկում բախվել է «Հունդաի Էլանտրա» մակնիշի ավտոմեքենայի, ինչի հետևանքով «Հունդաի Էլանտրա»-ի վարորդը մարմնական վնասվածքներով տեղափոխվել է «Էրեբունի» բժշկական կենտրոն:
Կատարվում է քննություն:
***
Նոյեմբերի 21-ին՝ ժամը 11.00-ին, Երևանի Ա. Տիգրանյան փողոցի թիվ 20 շենքի մոտ իրար են բախվել «Հոնդաի» և «Օպել» մակնիշի ավտոմեքենաներ, ինչի հետևանքով «Հոնդաի»-ի վարորդը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն:
Կատարվում է քննություն:
