Ինչպես հայտնում են ամերիկյան լրատվամիջոցները, Ամերիկայի Կալիֆորնիա նահանգի Սանտա Անա քաղաքում բնակիչներից մեկի տանը հարյուրավոր օձեր են հայտնաբերվել:
Ոստիկանություն հարևանն է ահազանգել` հայտնելով, որ տհաճ հոտ է գալիս իր հարևան Ուիլիամ Բաչմանի տնից:
Ավելի ուշ ոստիկանությունը տեղեկացրել է, որ տան բոլոր ննջարաններում մոտ 500 օձեր են հայտնաբերվել, որոնցից շատերը սատկած են:
Տանտերը հայտնել է, որ իր մտադրությունն ի սկզբանե եղել է օձեր բազմացնելը, սակայն նրա հավաքածուն դուրս է եկել վերահսկողությունից:
Վերջինիս ձերբակալել են կենդանիների հանդեպ դաժան վերաբերմունք ցուցաբերելու կասկածանքով:
Ոստիկանության աշխատակիցները հայտնել են, որ տունը լցված էր նաև առնետներով և մկներով, որոնց մի մասը բերվել էր՝ որպես օձերի ուտելիք:
Ինչ վերաբերում է կենդանի մնացած օձերին` դրանք կհանձնվեն կենդանաբանական այգիներին, դպրոցներին և այլուր:
