Միացյալ Նահանգները ուշադրությամբ հետևում են Թուրքիայում տեղի ունեցող իրադարձություններին` կապված Օքմեյդան հրապարակում ոստիկանության ու ցուցարարների միջև շարունակվող բախումների հետ: Ինչպես հաղորդում է թուրքական «Հուրիեթ» պարբերականը, այս մասին ամենօրյա ճեպազրույցի ընթացքում ասել է ԱՄՆ Պետդեպարտ ամենտի խոսնակ Մարի Հարֆը:
«Մարդկային կորուստների կապակցությամբ շատ վշտացանք: Մենք կոչ ենք անում բողոքի ցույցերին մասնակցող կամ ցուցարարներին պատասխանող բոլոր կողմերին զերծ մնալ բռնություններից»,- հայտարարել է Մարի Հարֆը:
Ստամբուլում եւ Թուրքիայի բազմաթիվ այլ քաղաքներում բողոքի ակցիաները սկսվել են Սոմայի ածխահանքում մայիսի 13-ի գիշերը տեղի ունեցած վթարից հետո, որի արդյունքում 301 մարդ զոհվել, 487 մարդ վնասվածքներ է ստացել: Ցուցարարները աղետի համար պատասխանատու են համարել թուրքական կառավարությանը' մեղադրելով հանքում անվտանգության կանոնները պատշաճ մակարդակի վրա չպահելու եւ անտարբերություն ցուցաբերելու մեջ: Մայիսի 22-ից սկսված բողոքի ակցիաների արդյունքում արդեն երկու մարդ է զոհվել:
