Ուկրաինայում մայիսի 25-ին կայացած նախագահական ընտրություններում հաղթած Պյոտր Պորոշենկոն հավատարմության երդում տվեց ուկրաինացի ժողովրդին և դարձավ անկախ Ուկրաինայի հինգերորդ նախագահը:

 

Երդմնակալության արարողության համաձայն՝ Կենտրոնական ընտրական հանձնաժողովի ղեկավար Միխայիլ Օխենդովսկին կարդաց Պորոշենկոյի՝ նախագահ ընտրվելու մասին հանձնաժողովի որոշումը: Դրանից հետո Ուկրաինայի Սահմանադրական դատարանի նախագահ Յուրի Բաուլինն ընդունեց Պորոշենկոյի երդումը: Այդ պահից ի վեր նա համարվում է պաշտոնի անցած նախագահ:

 

Արարողությունը հեռարձակվում է վեց լեզուներով:

 

Ուկրաինայի նախագահ Պյոտոր Պորոշենկոյի երդմնակալության արարողությանը Հայաստանի պատվիրակությունը գլխավորում է ՀՀ կրթության և գիտության նախարար Արմեն Աշոտյանը: