Արդեն մի քանի օր է՝ արտակարգ իրավիճակ է ստեղծվել Երևան քաղաքի Արարատյան 97 հասցեում: Ինչպես հայտնում է Shamshyan.com-ը, նշված տարածքն ավելի շատ հայտնի է որպես «Կարմիր բլուր» կայարան, որը Շենգավիթ վարչական շրջանի տարածքում է:
Թվով 40 տուն ունեցող այս տարածքում բնակվում է 180-ից ավելի քաղաքացի, այդ թվում' մեծահասակներ, երեխաներ: Մեծահասակների մեջ կան նաև հաշմանդամներ, ովքեր 2 օր է՝ գիշերում են իրենց անձնական օգտագործման մեքենաներում:
Բնակիչները արդարացիորեն բարձրաձայնել են. «Մեկ ամսից ավելի է՝ տարածքը վերածվել է համաճարակային կենտրոնի, ինչի պատճառը նշված տարածքով անցնող ջրահեռացման խողովակների վնասված լինելն է: Լցված են կեղտաջրերով, իսկ մի քանի հատվածներից էլ կեղտաջրերը դուրս են թափվում ու լցվում են տները»:
Մանրամասներն՝ այստեղ
