![](http://mediamall.am/timthumb.php?src=upload/109684.png&w=300&h=200&mt=1505424799)
Ռուսաստանի Դաշնությունն ու Իրանի Իսլամական Հանրապետությունը ռազմական համագործակցության մասին միջկառավարական համաձայնագիր են ստորագրել, փաստաթղթերում իրենց ստորագրություններ են դրել ՌԴ պաշտպանության նախարար բանակի գեներալ Սերգեյ Շոյգուն և Իրանի պաշտպանության նախարար բրիգադի գեներալ Հոսեյն Դեհքանը: Այս մասին հայտնել է ՌԻԱ «Նովոստին»:
Ելույթ ունենալով համաձայնագրի ստորագրումից հետո' ՌԴ պաշտպանության նախարարը հայտարարել է, որ վերջին տարիների ընթացքում ռուս-իրանական կապերը ռազմական գերատեսչությունների գծով աստիճանաբար զարգանում են:
«Այդ հարաբերությունների ամրապնդման գործում էական քայլը այսօր ռազմական համագործակցության մասին միջկառավարական համաձայնագրի ստորագրումն է: Ստեղծվել է ռազմական ոլորտում փոխգործակցության տեսական հիմք»,- ասել է Շոյգուն։