Վրաստանի նախագահ Գեորգի Մարգվելաշվիլին ներում Է շնորհել երեք կանանց. պատժի չափն անժամկետ բանտարկությունից փոխվել Է 20 տարուց ոչ ավելի ազատազրկման: Այդ մասին, ինչպես տեղեկացնում Է «Արմենպրես»-ը,՝ հղում անելով «Նովոստի Գրուզիա»-ին, հայտնել Է Ներման պետական հանձնաժողովի նախագահ Զվիադ Քորիձեն մարտի 6-ին կայացած ճեպ ազրույցում:
«Ներման մի ակտի հիման վրա նախագահը ներում Է շնորհել անժամկետ դատապարտված երեք կանանց եւ որոշել Է նրանց ազատ արձակման ժամկետը: Յուրաքանչյուր դեպքում պատիժների կատարման հիմնարկությունում մնալու ժամկետը չի գերազանցում 20 տարին: Ներման երկրորդ ակտի համաձայն՝ նախագահը ներում Է շնորհել 188 դատապարտյալի, այդ թվում՝ 7 անչափահասի»,- հայտարարել Է Քորիձեն:
Նրա խոսքով՝ նախագահի որոշման համաձայն՝ օրվա ընթացքում պատիժների կատարման հիմնարկությունները կլքի 130 դատապարտյալ: Ինչ վերաբերում Է 58 դատապարտյալների, ապա նրանց բանտարկության ժամկետը կրճատվել Է:
