Վրաստանի նախագահ Գեորգի Մարգվելաշվիլին Զատկի տոնի կապակցությամբ ներում է շնորհել 78 դատապարտյալների:
Այդ մասին, ինչպես տեղեկացնում է «Արմենպրես»-ը՝ հղում անելով «Նովոստի Գրուզիա»-ին, համաներման հարցերով զբաղվող պետական հանձնաժողովի նախագահ Զվիադ Կորիձեն հայտնել է ապրիլի 14-ին Թբիլիսիում կայացած մամուլի ասուլիս ում: Համաներվածներից 57-ն այսօր իսկ ազատվել են պատժական հաստատություններից: Ինչ վերաբերում է մնացած դատապարտյալներին, ապա նրանց պատժաժամկետները կրճատվել են: Ընդամենը հանձնաժողովը քննել է 460 գործ:
Ներվածների թվում չկան կանայք, անչափահասներ, ինչպես նաև անժամկետ դատապարտված անձինք:
