ՌԴ նախագահ Վլադիմիր Պուտինը ՀՀ նախագահ Սերժ Սարգսյան հրավերով կայցելի Հայաստան՝ մասնակցելու Օսմանյան կայսրությունում հայերի ցեղասպանության 100-րդ տարելիցին նվիրված հիշատակի միջոցառումներին: Այդ մասին տեղեկացնում է Կրեմլի մամուլի ծառայությունը:
«Այցի շրջանակներում կկայանա Հայաստանի և Ռուսաստանի նախագահների հանդիպումը, որի ընթացքում նախատեսվում է քննարկել երկկողմ օրակարգի, ինտեգրացիոն միավորումներում փոխգործակցության հարցերը, ինչպես նաև տարածաշրջանային և միջազգային հրատապ թեմաները»,- նշվում է հաղորդագրության մեջ:
