Ռուսաստանի Սահմանադրությունում չկան գենդերային սահմանափակումներ նախագահի պաշտոնի համար։
«life.ru»–ի փոխանցմամբ՝ նման հայտարարություն է արել այդ երկրի նախագահի խոսնակ Դմիտրի Պեսկովը՝ ի պատասխան լրագրողների հարցին՝ հնարավո՞ր է արդյոք, որ ՌԴ հաջորդ նախագահը կին լինի։
«Այստեղ պետք է առաջին հերթին ելնել գործող օրենսդրությունից։ Մեր Սահմանադրությունում գրված է, թե ով կարող է նախագահ դառնալ։ Գենդերային ինչ–որ սահմանափակումները բացակայում են։ Մեր կառավարությունում, նախարարություններում ու գերատեսչություններում բազմաթիվ կանայք են աշխատում»,–ասել է Կրեմլի ներկայացուցիչը։
