ՀՀ արտակարգ իրավիճակների նախարարությունը հայտնում է, որ հուլիսի 16-ի ցերեկը, 17-ին Հայաստանի շրջանների զգալի մասում, 18-20-ը հյուսիսային առանձին շրջաններում, 21-ին առանձին շրջաններում գիշերը և կեսօրից հետո սպասվում է անձրև և ամպրոպ, առանձին վայրերում սպասվում է նաև կարկուտ:
Քամին՝ հյուսիս-արևմտյան՝ 3-8 մ/վ, առանձին շրջաններում քամու ուժգնացում՝ 15-20 մ/վ արագությամբ:
Օդի ջերմաստիճանը հուլիսի 16-ի ցերեկը կնվազի 1-2, 18-20-ն աստիճանաբար կբարձրանա 6-8 աստիճանով: Այս մասին «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից:
Երևան քաղաքում՝
Հուլիսի 16-ի ցերեկը, 17-ի գիշերը և կեսօրից հետո սպասվում է, 18-ին, 21-ի երեկոյան ժամերին քաղաքի առանձին հատվածներում հնարավոր է անձրև և ամպրոպ, ամպրոպի ժամանակ' քամու ուժգնացում՝ 15-20 մ/վ արագությամբ: Հուլիսի 19-20-ը սպասվում է առանց տեղումների եղանակ:
