Չինաստանի Ուհան քաղաքում փետրվարի 3-ին իր աշխատանքը կմեկնարկի նոր տեսակի կորոնավիրուսով վարակված հիվանդների բուժման համար նախատեսված հիվանդանոցը: Այս մասին հայտնում է ТАСС գործակալությունը:
Նորագույն բուժհաստատության մակերեսը, որը նախատեսված է 1000 հիվանդի համար, կազմում է 33 900 քառ. մետր: Հիվանդների ընդունումը կսկսվի երկուշաբթի օրվանից: Շինարարական աշխատանքներն ութ օր են տևել:
Չինական պարբերականները հայտնում են, որ հիվանդանոցում 1400 ռազմական բժիշկ է աշխատելու:
Հաղորդվում է նաև, որ կորոնավիրուսով հիվանդների բուժման համար նախատեսված երկրորդ հիվանդանոցն իր աշխատանքները կսկսի փետրվարի 5-ին:
