Իրանը լրջորեն մտահոգություն է հայտնել երկրի հյուսիսային սահմաններին ահաբեկիչների առկայության կապակցությամբ: Այս մասին իր ամենշաբաթյա ասուլիսում հայտարարել է Իրանի ԱԳՆ պաշտոնական ներկայացուցիչ Սաիդ Խատիբզադեն: «Բացի Իրանի արտաքին գործերի նախարարից՝ հատուկ բանագնաց Աբբաս Արաքչին իր տարածաշրջանային շրջագայության ժամանակ նախազգուշացրել է կողմերին Իրանի սահմաններում ահաբեկիչների առկայության մասին։ Կողմերը, թեև, հերքում են այդ փաստը, բայց մենք դեռ անհանգստացած ենք», - ասել է Իրանի արտաքին գործերի նախարարության խոսնակը։