ԱՄՆ Սենատը միաձայն ընդունել է բանաձև, որը դատապարտում է Ռուսաստանի նախագահ Վլադիմիր Պուտինին՝ որպես ռազմական հանցագործ, ինչը խորապես պառակտված Կոնգրեսում միասնության հազվագյուտ ցուցադրություն է, գրում է Reuters֊ը:
Բանաձևը, որը ներկայացրել է հանրապետական սենատոր Լինդսի Գրեհեմը, խրախուսում է Հաագայի Միջազգային քրեական դատարանին և այլ երկրներին թիրախավորել ռուս զինվորականներին Ուկրաինա Ռուսաստանի ներխուժման ժամանակ կատարված ռազմական հանցագործությունների ցանկացած հետաքննության մեջ:
«Մենք բոլորս այս պալատում դեմոկրատների և հանրապետականների հետ միավորվեցինք՝ ասելու, որ Վլադիմիր Պուտինը չի կարող խուսափել պատասխանատվությունից ուկրաինացի ժողովրդի դեմ իրականացված վայրագությունների համար»,- ասել է Սենատի մեծամասնության դեմոկրատ առաջնորդ Չակ Շումերը՝ Սենատի նիստից առաջ իր ելույթում։
Ռուսաստանն իր գործողություններն անվանում է Ուկրաինայի ապառազմականացման և «վնասազերծման» «հատուկ ռազմական գործողություն»։ Պուտինը նաև անվանել է երկիրն ԱՄՆ գաղութ՝ խամաճիկ ռեժիմով և անկախ պետականության ավանդույթներով:
«Մոսկվան չի գրավել երկրի 10 խոշոր քաղաքներից և ոչ մեկը փետրվարի 24-ին սկսված իր ներխուժումից հետո, որը 1945 թվականից ի վեր ամենամեծ հարձակումն է եվրոպական պետության վրա»,֊գրում է պարբերականը:
