Հոնդուրասի իշխանությունները երեքշաբթի օրը երկրում արտակարգ իրավիճակ են հայտարարել՝ տարածում գտնող Դենգեյի համաճարակի պատճառով:

Արտակարգ իրավիճակ հայտարարելու մասին որոշումը կայացվել է երկրի նախագահի կողմից ղեկավարված նախարարների կաբինետի ժողովի արդյունքում: Պաշտոնական տվյալներով՝ տարվա սկզբից այս համաճարակը խլել է արդեն 19 մարդու կյանք, իսկ 14 հազար հոգի էլ արդեն վարակված է այդ վտանգավոր հիվանդությամբ: Վերջինս տարածվում է մոծակների միջոցով:

Դենգեի տենդը վիրուսային հիվանդություն է: Այն Լատինական Ամերիկա է ներթափանցել Ասիայից ներգաղթած բնակիչների միջոցով: Տրոպիկական գոտու երկրներում այդ հիվանդությունը տարեկան խլում է հազարավոր մարդկանց կյանք: