Արտակարգ իրավիճակների նախարարություն այսօր՝ ժամը 04.55-ին, ահազանգ է ստացվել, որ Լոռու մարզի Վանաձոր քաղաքի Մյասնիկյան փողոցում՝ եկեղեցու մոտակայքում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Ըստ ԱԻՆ կայքի՝ դեպքի վայր է մեկնել մեկ մարտական հաշվարկ: Պարզվել է, որ դեռևս չբացահայտված հանգամանքներում, Աբովյան փողոցի սկզբնամասում, «ՎԱԶ-2121» մակնիշի 15VV015 պետհամարանիշի ավտոմեքենան դուրս է եկել ավտոճանապարհի երթևեկելի հատվածից և բախվել «Սրբ. Գրիգոր Լուսավորիչ» եկեղեցու պատին:
Հրշեջ-փրկարարները վարորդ՝ 1991թ. ծնված Տիգրան Մովսիսյանին դուրս են բերել ավտոմեքենայից, ում տարբեր աստիճանի մարմնական վնասվածքներով տեղափոխել են Վանաձոր քաղաքի ԲԿ:
Բժիշկները տուժածի առողջական վիճակը գնահատել են ծանր:
