Ուրախ ենք տեղեկացնել, որ երեկ՝ Lurer.com-ի այն հրապարակումից հետո, ըստ որի՝ Երևանի թիվ 32 գրադարանը վերածվել է նախագահի թեկնածու Սերժ Սարգսյանի նախընտրական շտաբի, գրադարանի պատերից հանվել են Սերժ Սարգսյանի քարոզչական պաստառները և գրադարանին վերադարձրել իր նախկին տեսքը:

Սակայն, ուրախանալով, որ գրադարանը փրկվել է նախընտրական շտաբ դառնալու, մեղմ ասած, վտանգից, այդուհանդերձ, պետք է ցավով փաստել, որ ազգի կրթության երաշխիք հանդիսացող հաստատության շենքն այս պահին անասելի վատ վիճակում է: Գրքերը, որոնք տարիներ շարունակ կրթել են տեղի երեխաներին, խոնավությունից հետզհետե ավելի են փչանում:

Հորդոր պատասխանատու մարմիններին՝ վերակառուցե՛ք գրադարանը, չէ՞ որ գիրքն է ազգի կրթման ու զարգացման անժխտելի գործոններից մեկը, նրանով է սկսվում ու ավարտվում մեր հասարակության զարգացումը։