Ուկրաինայում Հաղթանակի օրվա տոնակատարությունը տեղի կունենա մայիսի 8-ին եւ 9-ին: Այդ մասին, ինչպես տեղեկացնում Է «Արմենպրես»-ը, հայտարարել Է հանրապետության մշակույթի նախարար Վյաչեսլավ Կիրիլենկոն:

 

«Կառավարությունը մայիսի 9-ը՝ որպես Հաղթանակի օր, չեղյալ չի հայտարարի: Դրա հետ մեկտեղ, կառավարությունը կառաջարկի պատշաճ կերպով մեծարել նաեւ մայիսի 8-ը՝ ինչպես ամբողջ Եվրոպայում»,- նախարարի խոսքը մեջբերել Է ՈՒՆՆ գործակալությունը:

 

Ինչպես նշում Է ՏԱՍՍ-ը, նախօրյակին Գերագույն ռադայի կոալիցիոն խմբակցություններից մի խումբ պատգամավորներ Ուկրաինայի խորհրդարան են ներկայացրել «Հիշատակի եւ հաշտության օրվա մասին» օրինագիծը: Ժողովրդական պատգամավորներն առաջարկել են Հաղթանակի օրը եւ հանգստյան օրը մայիսի 9-ից փոխադրել մայիսի 8: Իրենց նախաձեռնությունը նրանք պայմանավորել են նրանով, որ Եվրոպայում Երկրորդ համաշխարհային պատերազմի զոհերի հիշատակը հարգում են մայիսի 8-ին:

 

Ավելի վաղ նախագահ Պյոտր Պորոշենկոն սահմանել Է նոր զինվորական տոն՝ Ազգային գվարդիայի օրը, որը կնշվի մարտի 26-ին: