Հազարավոր մարդիկ առանց էլեկտրականության ու ջրի են մնացել աշխարհի ամենաչորային տարածաշրջաններից մեկում՝ Չիլիի Ատակամա անապատում տեղատարափ անձրեւներից առաջացած հեղեղումների հետեւանքով, տեղեկացնում է «Արմենպրես»-ը՝ հղում անելով BBC-ին:
Անդերում տեղացած անձրեւներից հետո հեղեղումներ են սկսվել ցածրադիր քաղաքներում: Երկրի հյուսիսի Կոպիյապո քաղաքում գետը դուրս է եկել ափերից:
Ուղղաթիռների օգնությամբ իշխանություններն սկսել են մարդկանց տարհանումը՝ սողանքների վտանգի պատճառով:
Օդերեւութաբաններն էլ ավելի առատ տեղումներ են կանխատեսում առաջիկա 12 ժամվա ընթացքում:
