Հայաստանի ազգային հավաքականի կիսապաշտպան Հենրիխ Մխիթարյանը ֆեյսբուքյան իր էջում անդրադարձել է Աշխարհի չեմպիոն, Բրազիլիայի ազգային ընտրանու նախկին պաշտպան Ռոբերտո Կառլոսի՝ իրեն ուղղված տեսաուղերձին:
Մխիթարյանը գրել է. «Շատ շնորհակալ եմ լեգենդար ֆուտբոլիստ Ռոբերտո Կառլոսին՝ լավ խոսքերի համար: Փոխանցում եմ ողջույններս, հարգելի Ռոբերտո»:
Նշենք, որ Կառլոսը տեսաուղերձում Մխիթարյանին ասել էր, որ վերջինս շատ բարձրակարգ ֆուտբոլիստ է և որ ինքը նրան հաճախ համեմատում է բրազիլացի ֆուտբոլիստների հետ, քանի որ նա շատ արագաշարժ խաղացող է:
«Հենրիխին ուղարկում եմ ջերմ ողջույններս՝ մաղթելով հաջողություն: Ցանկանում եմ նաև շնորհակալություն հայտնել նրան, քանի որ մշտապես դիտում եմ Բունդեսլիգայի հանդիպումները և միշտ տեսնում եմ նրա լավ խաղը: Շարունակիր նույն կերպ և աճիր ամեն խաղից հետո»,- ասել էր Կառլոսը:
Տեսանյութը՝ News.am-ի
