Ռուսաստանի Սու-24 ռոմբակոծիչի խոցվելու շրջանում գործող բոլոր զինյալները ոչնչացվել են:
Այս մասին, ինչպես հաղորդում է «Արմենպրես»-ը, երեկ գիշեր հայտարարել է ՌԴ պաշտպանության նախարարությունը:
Սիրիայի բանակը հայտնել է, որ օդապարիկով իջնելու ժամանակ ռուս օդաչուին գնդակահարելու մասին Reuters-ին հարցազրույց տված զինյալը եւս սպանվել է ՌԴ ռազմակոսմիկական ուժերի ավիահարվածների արդյունքում:
Նշվում է, որ ռուս օդաչուին գնդակահարած զինյալի անունը Ալփարսլան Չելիք է: Նա ազգությամբ թուրք է եւ Թուրքիայի ուլտրաազգայնական Bozgurd (գորշ գայլեր) կազմակերպության անդամ է: Սիրիա էր ուղարկվել Բաշար Ասադի կառավարության դեմ կռվելու համար: Կարճ ժամանակում դարձել է Սիրիայի հյուսիսում թուրքմեն ցեղախմբի զինյալների հրամանատարը:
Ռուսաստանյան մամուլի համաձայն' Ալփարսլան Չելիքը սերտ կապերի է մեջ է գտնվել Թուրքիայի հետախուզության հետ: Ենթադրվում է, որ հենց թուրքական հետախուզություն է նրան նշանակել Սիրիայի կառավարության դեմ կռվող զինված թուրքմենների խմբի առաջնորդ:
Համացանցում տեսանյութեր են տարածվել, որոնցում Ալփարսլան Չելիքը պատմում է ռուս օդաչուին սպանելու, սիրիական օրինական բանակի դեմ գործողութհունների մասին եւ շնորհակալություն հայտնում թուրք գորշ գայլերի կազմակերպությանն իրենց թուրքմեն եղբայրներին բազմապիսի օգնություն ցուցաբերելու համար:
