Ֆուտբոլի Եվրոպայի առաջնության ավարտից հետո սպորտային ամառը շարունակվում է: Այս անգամ սպորտի սիրահարների ուշադրության կենտրոնում կլինի Բրազիլիան, որտեղ այսօր կտրվի ամռային օլիմպիական 31-րդ խաղերի մեկնարկը:
Բրազիլիան սպորտային աշխարհի ուշադրության կենտրոնում կլինի օգոստոսի 5-ից 21-ը:
Օլիմպիական խաղերում կանցկացվեն 31 սպորաձևի մրցումներ: Կխաղարկվի մեդալների 301 հավաքածու:
Վինիսիուսն ու Տոմը` Օլիմպիական խաղերի խորհրդանիշ
Խաղերին կմասնակցի 206 պետություն, այս անգամ ներկայացուցիչներ ունեն նաև Հարավային Սուդանը և Կոսովոն:
Օլիմպիական խաղերի բացման արարողությունը տեղի կունենա «Մարականա» մարզադաշտում, որը տեղավորում է 78 838 հանդիսական: Ինչպես ակնկալվում է՝ օլմպիական կրակը կվառի լեգենդար ֆուտբոլիստ Պելեն: Բացման արարողությանը ներկա կլինի նաև բրազիլուհի հայտնի մոդել Ժիզել Բունդխենը:
Լեգենդար «Մարականան»
Ամենաշատ ներկայացուցիչն ունի ԱՄՆ-ն`550 մարզիկ: Նման թվաքանակը հիմնականում պայմանավորված է նրանով, որ ամերիկացիները մասնակցելու են գրեթե բոլոր թիմային մարզաձևերի մրցումներին: ԱՄՆ-ին մասնակիցների քանակով հաջորդում են կազմակերպիչ երկրի ներկայացուցիչները`465 մարզիկ:
Ամենաքիչ ներկայացուցիչն ունի Տուվալուն: Այս պետությունն Օլիմպիական խաղերում կներկայացնի մեկ մարզիկ` թեթևաթլետ Էտիմոնի Տիմուանին:
Հայաստանը խաղերին կներկայացնի 33 օլիմպիական, ովքեր իրենց ուժերը կփորձեն 8 մարզաձևում`ըմբշամարտ, բռնցքամարտ, ծանրամարտ, լող, աթլետիկա, մարմնամարզություն, հրաձգություն և ձյուդո:
Հայաստանի դրոշակակիրը կլինի լողորդ Վահան Մխիթարյանը:
Օլիմպիական մարզիկներին հյուրընկալող մարզադաշտերից մի քանիսը
Maria Lenk Aquatic Park
Մարականազինյու
Ժոաո Ավելանժի անվան Օլիմպիական մարզադաշտ
Olympic Aquatics Stadium
Կոպակաբանա
Olympic Tennis Center-ը Ռիո Դե Ժանեյրոյում
Կարիոկա
Olympic Hockey Centre
Arena da Amazônia
Mineirão
Հայաստանի օլիմպիական հավաքական
Աթլետիկա- Ամալիյա Շարոյան, Դիանա Խուբեսերյան, Լևոն Աղասյան, Լիլիթ Հարությունյան, Գայանե Չիլոյան, Գոռ Ներկարարյան
Բռնցքամարտ-Արթուր Հովհաննիսյան, Նարեկ Աբգարյան, Արամ Ավագյան, Հովհաննես Բաչկով, Վլադիմիր Մարգարյան
Ազատ ոճի ըմբշամարտ- Գառնիկ Մնացականյան, Դևիդ Սաֆարյան, Գեորգի Կետոև, Լևան Բերիանիձե
Հունահռոմեական ոճի ըմբշամարտ- Միհրան Հարությունյան, Արսեն Ջուլֆալակյան, Մաքսիմ Մանուկյան, Արթուր Ալեքսանյան
Լող- Վահան Մխիթարյան, Մոնիկա Վասիլյան
Ծանրամարտ- Անդրանիկ Կարապետյան, Առաքել Միրզոյան, Սիմոն Մարտիրոսյան, Ռուբեն Ալեքսանյան, Գոռ Մինասյան
Պահեստային՝ Վանիկ Ավետիսյան, Նազիկ Ավդալյան, Սոնա Պողոսյան
Հրաձգություն- Հրաչիկ Բաբայան
Ձյուդո-Հովհաննես Դավթյան
Մարմնամարզություն-Արթուր Դավթյան, Հարություն Մերդինյան, Հուրի Գեբեշյան
Հայաստանը ներկայացնող բոլոր մարզիկներին մաղթում ենք օլիմպիական ոսկի, իսկ երկրպագուներին` դիտարժան խաղեր:
