Ազգային ժողովի քառօրյա նիստի սկզբում այսօր ԱԺ Ժառանգություն խմբակցության անդամներ Զարուհի Փոստանջյանն ու Ռուբեն Հակոբյանը, ՀԱԿ խմբակցության անդամ Նիկոլ Փաշինյանն անդրադարձան ընտրություններին: Նիկոլ Փաշինյանը նշեց, որ փետրվարի 18-ի ընտրությունների արդյունքում Հայաստանում հաստատված է քաղաքական ճգնաժամ: Նա ցավ հայտնեց, որ այսօրվա օրակարգում խնդրի վերաբերյալ ընդգրկված հարց չկա: Նա նշեց, որ Ազգային ժողովի գործող նախագահը, որն անընդհատ խոսում էր խորհրդարանի դերի բարձրացման մասին, հիմա բերում է մի օրակարգ, որի շրջանակներում քննարկվելու են իրականության հետ կապ չունեցող հարցեր: Նիկոլ Փաշինյանը նշեց, որ արդեն մի քանի ամիս է օրակարգի նախագծում կա հարց, որը վերաբերում է ընտրական համակարգին: Նա առաջարկեց ԱԺ հրավիրել Կենտրոնական ընտրական հանձնաժողովի նախագահին և քննարկել Հայաստանում առաջացած ճգնաժամը հաղթահարելու ուղիների հարցը: Եվ դա հնարավորություն կտա, որ ԿԸՀ-ն չհաստատի ընտրությունների խայտառակ արդյունքները, որոնք չեն արտահայտում ժողովրդի ազատ կամարտահայտությունը: Միաժամանակ Նիկոլ Փաշինյանը նշեց, որ հասկանում է՝ թեման ԱԺ մեծամասնությանը դուր չի գալիս, բայց պետք է հաշվի առնել, որ այսօր փողոցներում կատարվում են ուրիշ գործընթացներ: Նա նաև նշեց, որ ընտրություններում չի սատարել Րաֆֆի Հովաննիսյանին, բայց ակնհայտ է, որ ժողովուրդը նրան է ընտրել:
ԱԺ նախագահ Հովիկ Աբրահամյանին բարկացրեց փողոցում կատարվող գործընթացների վերաբերյալ դիտարկումը: Նա ոգևորված ասաց, որ պետք է հաշվի առնել ամենակարևորը՝ ովքե՞ր են ուղղորդում փողոցներում կատարվող գործընթացները և ի՞նչ է կատարվում փողոցներում: Պետք է տեսնել դա և տեսնել դրա հիմքերը: Նա առաջարկեց, որպեսզի բոլոր խմբակցություններից պատգամավորներ հավաքվեն և հետընտրական գործընթացները քննարկեն:
«Իմ կարծիքով Ազգային ժողովն այն մարմին է, որ նման հարցեր պետք է քննարկի և իրեն ընտրած ժողովրդին պետք է տա պարզաբանում: Նա նշեց, որ եթե ընդդիմության տրամաբանությամբ դատենք, ապա 58 տոկոսը պարտվում է 36 տոկոսին, հետևաբար հարցը քննարկման կարիք ունի: ԱԺ նախագահը նշեց, որ իրենք հարգում են այն քաղաքացիներն, ովքեր ձայն են տվել Րաֆֆի Հովհաննիսյանին, բայց խնդրեց հարգել նրանց, ովքեր ձայն են տվել Սերժ Սարգսյանին: Նա միաժամանակ ասաց, որ նախընտրական քարոզարշավի ժամանակ Րաֆֆի Հովհաննիսյանը շատ հաջող կերպով արևմտյան տեխնոլոգիաներ կիրառեց, ինչը ողջունելի է: Բայց, ըստ Հովիկ Աբրահամյանի, անհասկանալի է, թե ինչ հետընտրական գործընթացներ են կատարվում: «Ժամանակն է զոռբայությանը վերջ տալ և նստել սեղանի շուրջ խոսել: Բոլորս հասկանում ենք, որ դրանք Րաֆֆի Հովհաննիսյանի ձայները չեն, ընդդիմության ձայներն են: Ես համամիտ եմ, որ մարդիկ զարմանում են այդ ձայների վրա, ի՞նչ տրամաբությամբ եք հաղթող համարում նրան, ինձ համար զարմանալի է»,- ասաց Հովիկ Աբրայհամյանը:
Ի պատասխան՝ Ժառանգություն խմբակցության ղեկավար Ռուբեն Հակոբյանն ասաց, որ կողմ է առաջարկին՝ ԱԺ-ում քննարկել հետընտրական զարգացումների հարցը: «Ճիշտ եք ասում, որ շատ անհասկանալի բաներ կան, ժողովրդրի համար էլ է անհասկանաի, թե ինչպես մեծամասնության ձայները տրվեցին Րաֆֆի Հովհաննիսյանին, բայց հաղթեց Սերժ Սարգսյանը»,- ասաց Ռուբեն Հակոբյանը:
Պատասխանելով ԱԺ նախագահին՝ Նիկոլ Փաշինյանն ասաց. «Դուք ասում եք՝ 800 հազար մարդկանց հարգենք, իհարկե հարգենք, բայց ուզում ենք տեսնել, այդ մարդիկ կան, թե չկան: Ես Րաֆֆի Հովհաննիսյանի թեկնածությունը չեմ պաշտպանել, բայց նրա օգտին քվեարկած քաղաքացիները տեսանելի են, իսկ մենք ուզում ենք տեսնել Սերժ Սարգսյանի օգտին քվեարկածներին»,- ասաց Փաշինյանը:
Նա նշեց, որ 2008 թվականին էլ փորձեցին ցույց տալ Սերժ Սարգսյանի ընտրազանգվածին, բայց այդ մարդիկ լքեցին Սերժ Սարգսյանի հանարհավաքն ու եկան Ազատության հրապարակ: Նիկոլ Փաշինյանը նշեց, որ իհարկե, հավաքվել են, որպեսզի քննարկեն այդ հարցերը: Նա նշեց, որ ընտրությունների պաշտոնական արդյունքները ձևավորվել են անտրամաբանական շեղումների արդյունքում: Իսկ այն հարցի պատասխանը, թե ինչպես է հաղթել Րաֆֆի Հովհաննիսնանը, այն է, որ հանրապետության 10 մարզերից 7-ում, Նիկոլ Փաշինյանի խոսքով, Սերժ Սարգսյանը պարտություն է կրել:
Հովիկ Աբրահամյանին շտապեց ուղղել ԱԺ փոխնախագահ Էդուարդ Շարմազանովը: Նա նշեց, որ այն առաջարկը, թե պետք է հավաքվել ու քննարկել ընտրական գործընթացները, չի նշանակում, որ քննարկելու են ընտրության արդյունքը: «Թող ոչ մեկ չմտածի, որ պատրաստվում ենք արդյունքները քննարկել: Ազատ ու արդար ընտրությունների արդյունքում Սերժ Սարգսյանը ընտրվել է Հայաստանի նախագահ: Իսկ ընտրողները տանն են, աշխատում են, որ հասնենք ապահով Հայաստան»,- ասաց Շարմազանովը:
Զարուհի Փոստանջյանն իր ելույթում նշեց, որ Սերժ Սարգսյանի 58 տոկոսն իրականում ոչ թե ունեն, այլ «խփել են»: «Դուք պայամանավորվել էիք խփել 90 կամ 80 տոկոսը, բայց խփեցիք 58: Ձեր կողմից հռչակված Սերժ Սարգսայնն այսօր գտնվում է մեկուսացման վայրում, նա հնարավորություն չունի դուրս գալ և շփվել քաղացիների հետ»,- ասաց Փոստանջյանը: Նրա ելույթն ընդհատեցին, խոսափողն անջատեցին:
ՀՀԿ-ական պատգամավոր Գալուստ Սահակյանը խորհուրդ տվեց ընդդիմությանը՝ «ես գիտեմ մի բան՝ չարի վերջը գալու է, քիչ չարություն արեք»: Ի պատասխան՝ ընդդիմադիր պատգամավորները սկսեցին աղմկել: «Լռություն դահլիճում»,- նկատողություն արեց ԱԺ փոխնախագահ Էդուարդ Շարմազանովը:
Պատգամավոր Մանվել Բադեյանը նշեց, որ այսօր ճգնաժամը մի խումբ մարդկանց ուղեղում է: Նա ընդդիմադիր պատգամավորներին կոչ արեց. «Աշխատանքից մեզ մի շեղեք, կարևոր գործի վրա ենք»:
Նիկոլ Փաշինյանը խորհրդարանական մեծամասնությանը կոչ արեց խորհրդարանական բառապաշար օգտագործել: «Եթե կա ցանկություն արտախորհրդարանական բառապաշարի մրցություն անցկացնել, շատերը կպարտվեն»,- ասաց նա:
Հովիկն ու «ոհմակը» մոլեգնում են
14:31 - 25.Փետրվար.2013
Առաջարկում ենք նաև
28/04/22 13:20
Ոհմակը մեջքից հարձակվեց ինձ վրա, շատ խեղճ էին․ «Անտարես»–ի տնօրենն իրեն ծեծի ենթարկողների մասին
28/01/21 13:49
Կորչի՛ «թուրքական շների» ոհմակը Հայաստանում. Սեյրան Օհանյան
19/12/20 01:33
Նիկոլի դավաճանական ոհմակը ձեր ձեռքերով ամեն կերպ փորձում է պղծել մեր հերոսների շիրիմները. Արմեն Աշոտյան
01/05/20 14:38
Քաղաքում բուռն թափով մոլեգնում են ծառահատումները
11/12/19 18:02
Ինչպես է գայլերի ոհմակը հոշոտում շներին
23/02/17 23:13
Բրիտանական կղզիներում մոլեգնում է «Դորիս» փոթորիկը
30/09/15 11:46
Արևելյան Ասիայում հզոր թայֆուն է մոլեգնում
10/09/15 13:16
Լոռիում գայլերի ոհմակը 10 ոչխար է հոշոտել
11/07/15 11:53
Զանգվածային տարհանում Չինաստանում. մոլեգնում է հզոր թայֆունը
Ամենադիտված
Լրահոս
16:40
Ո՞ր բարձրաստիճան պաշտոնյաների կանայք են պատերազմի ժամանակ առևտուր արել, որը հանգեցրել է պարտության․ Դատախազության՝ պարզաբանումը
15:40
Պետք է արձանագրենք նաև դրական զարգացումները. ապրիլին Հայաստանը և Ադրբեջանը վերջապես մեկնարկել են սահմանազատման աշխատանքները. Միրզոյան
15:01
Նիկոլին փախցնելու է պետություն, որը նրան բերել է․ Ալենն ու Արարատն էլ թռնելու են ՌԴ․ Աբրահամ Գասպարյան (տեսանյութ)
09:45
Վարդանյանի գործով նախաքննությունն ավարտվել է. իրար հակասող հատկանիշներով մեղադրանք է առաջադրվել. «Ժողովուրդ»
09:15
«Ժողովուրդ». Ժամկետային ծառայողների ծնողները շարունակում են ծանրոց ուղարկել. բեռը չի թեթևացել. Փաշինյանը խաբել է. Մաս 209
08:55
«Ժողովուրդ». ԱԺ-ում ընդդիմությունը Փաշինյանին իմպիչմենտ հայտարարելու հարցում չի շտապում. ուզում են լավ պատրաստվել
08:25
ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ»
08:25
«Ժողովուրդ». Սամվել Վարդանյանի գործով նախաքննությունն ավարտվել է. 2 իրար հակասող հատկանիշներով մեղադրանք է առաջադրվել
13:20
Ըստ Նիկոլի՝ հայ ժողովուրդն ունի մեկ ռազմավարական նպատակ՝ ծնկել և հանձնվել թշնամու ողորմածությանը
13:16
Կառավարության մոտ Սրբազան պայքարի ակցիան ավարտվեց. ժամը 19-ին կհանդիպեն Սուրբ Աննա եկեղեցու բակում
13:04
Дельфин и русалка– не пара, не пара, не пара. Նիկոլը՝ Կոպենհագենում, և Հայաստանի եվրոպական հեռանկարը
12:45
Պայքարում եմ ճշմարտության համար. Լեո Նիկոլյանը 25 օր է հացադուլ է անում օդանավակայանում (տեսանյութ)
12:20
Հ-70, Մ-6-Աթան ավտոճանապարհը 11.00-ից մինչև 14.00 փակ կլինի՝ հիմնանորոգման աշխատանքներով պայմանավորված
10:59
Դատախազությունը Մհեր Գրիգորյանի գլխավորած սահմանազատման հանձնաժողովի դեմ հաղորդմանն ընթացք է տվել
09:55
«Ռուբիկիս ապրեցնելու, տղաների կյանքի գնով պահված հայրենիքը տեսնելու ու ընտանիքիս համար եմ ապրում». Ռուբիկ Գուլեյանն անմահացել է Մարտակերտում՝ հրադադար...
09:40
Իշխանությունը խոչընդոտում է Ադրբեջանի նկատմամբ միջազգային պատժամիջոցների կիրառմանը․ «Հրապարակ»