ԱԺ-ը կառավարության նախաձռնությամբ հրավիրված արտահերթ նիստում առաջին և երկրորդ ընթերցմամբ հաստատվեց Պետական գույքի մասին օրենքում փոփոխություններ և լրացումներ կատարելու մասին նախագիծը: Առաջին ընթերցման ժամանակ նախագծին կողմ քվեարկեց 81, դեմ՝ 6 և ձեռնպահ՝ 14 պատգամավոր: Իսկ երկրորդ ընթերցման ժամանակ՝ 86 կողմ, դեմ՝ 5 և ձեռնպահ՝ 16 պատգամավոր: Այնուհետև քվերակության դրվեցին ՀՀ Նախագահի կողմից ներկայացված մի շարք վարկային պայմանագրեր: 2016 նոյեմբերին ՀՀ կառավարության և Զարգացման Ասիական բանկի միջև ստորագրված վարկային առաջին պայմանագրին կողմ քվեարկեցին միայն Հանրապետականները: Նախագիծը հաստատվեց 78 կողմ, 24 դեմ և 2 ձեռնպահ ձայների հարաբերակցությամբ: Զարգացման Ասիական բանկի հետ սույն թվականի նոյեմբերին ստորագրված երկրորդ վարկային պայմանագրին կրկին կողմ էին բացառապես Հանրապետականները: Երկրորդ նախագիծը ևս հաստատվեց 78 կողմ, 24 դեմ և 2 ձեռնպահ ձայների հարաբերակցությամբ: Նույն բանկի հետ դեկտեմբերին ստորագրված արդեն երրորդ վարկային համաձայնագրին կողմ քվեարկեց 78, դեմ՝ 23 և 3 ձեռնպահ պատգամավոր: Ազգային ժողովի արտահերթ նիստն ավարտվեց: