Եվրախորհրդարանի չեխ պատգամավոր, Եվրոպայի Ժողովրդական կուսակցության անդամ Յարոմիր Շտետինան բացատրել է, թե ինչու է Արցախում դիտարկել օրերս կայացած սահմանադրական հանրաքվեն: Շտետինան չեխական Aktuálně.cz-ի հետ զրույցում ընդգծել է, որ այցելել է Արցախի Հանրապետություն, քանի որ դեմ է բռնապետությանը:

 

Չեխական ceskenoviny.cz կայքն էլ մեջբերել է Շտետինայի ֆեյսբուքյան գրառումը, որում վերջինս հայտնում է, որ Ադրբեջանը դիմել է Ինտերպոլին իրեն ձերբակալելու համար' հիշեցնելով, որ Ադրբեջանում քրեական գործ են հարուցել նաև Արցախի սահմանադրական հանրաքվեն դիտարկած Եվրախորհրդարանի մեկ այլ պատգամավորի' Ֆրանկ Էնգելի նկատմամբ:

 

Ադրբեջանի իշխանությունները հայտարարել են, որ քրեական գործ են հարուցում Եվրախորհրդարանի այն պատգամավորների դեմ, ովքեր փետրվարի 20-ին Արցախում դիտարկել են սահմանադրական հանրաքվեի ընթացքը: Չեխական լրատվամիջոցները բավականին բուռն են արձագանքել Ադրբեջանի իշխանությունների հերթական ապակառուցողական և սադրիչ քայլին: