ՀՀԿ փոխնախագահ Արմեն Աշոտյանն այսօր՝ ապրիլի 2-ին մամուլի ասուլիս էր հրավիրել 2017 թվականի խորհրդարանական ընտրությունների ընթացքի վերաբերյալ:
«Որոշ շրջանակների կողմից ակնհայտ միտում կա, այսպես կոչված, Fake ահազանգերի տեսքով, որի պատճառով ընտրական լրահոսը spam անելու միտում ունի: Կեղծ ահազանգերով լրատվական աղբ է կուտակվում, որոնց արձագանքելու և պարզաբանելու համար բավականաչափ ժամանակ է հարկավոր լինում: Ակնհայտ է, որ սա պլանավորած ռազմավարություն է»,- ասաց Արմեն Աշոտյանը:
Նրա խոսքով՝ երբեմն կենցաղային խնդիրը համարվում է ընտրակեղծարարություն: Աշոտյանն ընդունում է, որ կան խախտումներ, սակայն համարում է դրանք եզակի:
