Ստամբուլի հայ համայնքը հուսով է, որ առաջիկա շրջանում Պոլսո պատրիարքական աթոռը հնարավորինս արագ թափով կվերականգնվի ու կաշխուժացնի իր գործունեությունը: Այս մասին «Արմենպրես»-ի հետ զրույցում ասաց Ստամբուլի հայկական «Ժամանակ» օրաթերթի գլխավոր խմբագիր Արա Գոչունյանը:
«Պոլսո պատրիարքական տեղապահ Գարեգին արքեպիսկոպոս Բեքչյանը հունիսի 20-ին Քյոլնից կվերադառնա Ստամբուլ, ինչից հետո կձևավորվի Նախաձեռնող մարմինը: Նրանք Ստամբուլի նահանգապետարան դիմում կներկայացնեն և դրա արձագանքի հիման վրա գործընթացը կտեղափոխվի ավելի գործնական փուլ»,- հայտնեց Գոչունյանը:
Նա նշեց, որ ներկայում կա երկու վարկած. առաջինը՝ իշխանությունները արագ կարձագանքեն ներկայացվող դիմումին, ինչի շնորհիվ հնարավոր կլինի արագ կազմակերպել ընտրությունների անցկացումը: Երկրորդ՝ իշխանությունների արձագանքը կարող է ուշանալ: «Այս պահին կա լավատեսական մթնոլորտ, և հավանական է թվում առաջին տարբերակը: Այս գործընթացը շատ պատասխանատու աշխատանք է պահանջում: Համայնքի բոլոր աչալուրջ մարդիկ հուսով են, որ վերջին ինը տարիների փորձառությունից ճիշտ դասեր կքաղվեն, որպեսզի գործընթացի շարունակությունը զերծ լինի բևեռացումներից, լի նպատակասլացության ու միասնականության ոգով»,- ընդգծեց «Ժամանակ»-ի գլխավոր խմբագիրը:
Նա կարևոր ազդակ համարեց այն, որ պատկան մարմինները սկսել են ճանաչել Բեքչյանի՝ պատրիարքական տեղապահ լինելու հանգամանքը: Միաժամանակ, նա ողջունելի համարեց ամբողջ ճգնաժամային իրադրությունում հայկական համայնքի հավասարակշռված դիրքորոշումը: «Շատերն իրենց ազդեցությունն ունեցան խնդրի դրական լուծման գործում: Օրինակ, Գարեգին արքեպիսկոպոս Բեքչյանը սառնարյունությունից երբեք չհեռացող, միշտ հեռատես պահվածքով կերպար մարմնավորեց, ինչը բոլորին վստահություն ներշնչեց: Իսկ Արամ սրբազանն ապրիլի 16-ի հանրաքվեից հետո թեկուզ և լռելյայն, ոչ հրապարակային, սակայն գործի դրեց իր հնարավորությունները, որպեսզի կարողանա դուրս գալ ստեղծված իրավիճակից»,- նշեց Գոչունյանը: Նա կարևորեց նաև մի շարք աշխարհական վարիչների, ինչպես օրինակ, Սուրբ Փրկիչ ազգային հիվանդանոցի հոգաբարձուների խորհրդի ղեկավար Պետրոս Շիրինօղլուի դերակատարությունը:
«Ճիշտ է, ունեցանք վայրիվերումներ, բայց գոնե այսօր խնդիրը մտել է լուծման փուլի մեջ: Ինձ թվում է, որ մենք պատվով կհաղթահարենք այս փուլը»,- ասաց պոլսահայ գործիչը:
«Արմենպրես»-ի խնդրանքով նա անդրադարձավ նաև Աթեշյանի կողմից Մայր Աթոռ Սուրբ Էջմիածնում հնչեցված հայտարարությանը, որով Սրբազան հայրը բոլոր իրեն դեմ հանդիսացող մարդկանց անվանել էր «անկիրթ»: «Ես Աթեշյանի հետ խոսել եմ իր ընդդիմախոսներին նրա իսկ կողմից տրված որակավորման մասին: Նա ինձ ասաց, որ Ստամբուլի հայկական համայնքում իրեն դեմ հանդիսացող որոշ մարդկանց խմբեր տարբեր միջոցառումների ժամանակ իր մուտքերի ու ելքերի ժամանակ հայհոյանքներ են հնչեցրել իր հասցեին: Աթեշյանը հայտնեց, որ զուտ այդ հայհոյանքների հանգամանքին ակնարկելով էր օգտագործել «անկիրթ» արտահայտությունը: Գոնե ինձ այդպես է ասել»,- նշեց Գոչունյանը:
Նա դեռևս վաղ համարեց խոսել այն մասին, թե արդյոք Աթեշյանը կառաջադրվի որպես Պոլսո Հայոց պատրիարքի թեկնածու: «Մենք բավական ծանր շրջան ենք անցել: Հետևաբար` մեր եկեղեցականների ամբողջական եռանդի, մասնավորապես եպիսկոպոսների մակարդակի վրա եղբայրական համագործակցության ոգու կարիք ունենք: Մենք չունենք մեր սրբազաններից և ոչ մեկից հրաժարվելու ճոխությունը: Հետևաբար` համայնքում աչալուրջ ու սառնարյուն մարդիկ ակնկալում են, որ այս շրջանի թյուրիմացություններն ու անվստահությունները կհաղթահարվեն և մեր եկեղեցականները նորմալ հարաբերություններով, համագործակցության ոգով կշարունակեն իրենց առաքելությունը»,- հայտնեց «Ժամանակ» օրաթերթի գլխավոր խմբագիրը:
Պոլսո պատրիարքի ընտրության հարցը լուծման փուլում է. Գոչունյանը գործընթացը պատվով հաղթահարելու ակնկալիք ունի
15:32 - 17.Հունիս.2017
Առաջարկում ենք նաև
14/09/17 15:43
Պոլսո Հայոց պատրիարքի ընտրության գործընթացը մտել է փակուղի. համայնքն իշխանություններից պատասխան է ակնկալում
05/07/17 18:27
Պոլսո պատրիարքարանում ստեղծվել է Նախաձեռնող խումբը. պատրիարքի ընտրության գործընթացը պաշտոնապես մեկնարկած է
16/06/22 10:23
«Արդարադատությունը ծայրահեղ ծանր վիճակում է, դատական համակարգը հեղինակազրկվում է». «Փաստ»
06/02/18 22:26
Հայ համայնքի ղեկավարները Թուրքիայի ՆԳ նախարարի հետ կքննարկեն պատրիարքի ընտրության հարցը
14/06/23 10:00
ԱԺ-ն քննարկում է մրցակցության պաշտպանության հանձնաժողովի անդամի ընտրության հարցը. ՈՒՂԻՂ
17/04/23 13:37
Համոզված եմ, որ Սիրիան ունի բավարար ուժ՝ հաղթահարելու երկրաշարժի հետևանքները․ Փաշինյանը՝ Ասադին
11/01/23 16:30
Թշնամին շատ տարածքներում պլացդարմ է ձևավորում․ նոր տարածքներ գրավելու ակնկալիք ունի․ Աբրահամյան (տեսանյութ)
05/08/22 12:58
Քանի դեռ ՀՀ իշխանությունը զավթված է հակահայ վարչախմբի կողմից, Արցախին որևիցե ձեռք մեկնելու հեռանկար չկա․ Մետաքսե Հակոբյան
27/06/22 13:00
Հակասանիտարական ու համաճարակային վտանգ՝ Աբովյան քաղաքում. կեղտաջրերը ողողել են պետական կառույցների տարածքը
Ամենադիտված
Լրահոս
17:15
Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով
11:20
ԻՀՊԿ. Սպահանում բարձր ձայները կապված են հարձակումները հետ մղելու հակաօդային պաշտպանության աշխատանքի հետ
10:06
Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը
08:37
«Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում
08:00
«Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից
16:04
Զերծ մնացեք սեռական բռնության ենթարկված անձին, առավել ևս՝ երեխային վերաբերող տվյալներ հրապարակելուց. Աբրահամյան
12:45
Մի շարք հիվանդություններ ունեցող անձինք կճանաչվեն զինծառայության համար պիտանի՝ որոշակի սահմանափակումներով