Կառավարության հունիսի 23-ի նիստի ընթացքում վարչապետ Կարեն Կարապետյանը նշեց, որ երեկ Ազգային ժողովի կողմից հավանության արժանացավ Կառավարության 2017-2022 թթ. ծրագիրը:
«Հաշվի առնելով մեր կողմից առաջ քաշված դրույթները՝ հանձնարարում եմ հանրապետական գործադիր մարմնի անդամներին՝ մեկամսյա ժամկետում մշակել և Կառավարության աշխատակազմ ներկայացնել Կառավարության ծրագրից բխող միջոցառումների ցանկ և դրանց կատարման պատասխանատուներին:
Հանձնարարում եմ Կառավարության աշխատակազմ ներկայացնել նաև այդ միջոցառումների կատարման ժամկետները»,-ասաց վարչապետը:
Վարչապետը նաև հանձնարարեց այս տեղեկատվությունը ստանալուն պես՝ այն ներկայացնել հանրությանը:
«Ռեսթարթ ենք տալիս, սկսում ենք աշխատել վեցօրյա գրաֆիկով»,-նշեց վարչապետը:
