Ռուսաստանի կոմունիստական կուսակցության առաջնորդ Գենադի Զյուգանովը «Մոսկվա-Բաքու» առանցք համաժողովի ժամանակ հայտարարել է, որ Կովկասում խաղաղությունն անհնար է առանց Մոսկվայի հետ սերտ փոխգործակցության: Այս մասին հայտնում է haqqin.az-ը:
Նրա խոսքով, ղարաբաղյան հակամարտության լուծումը պետք է փնտրել բանակցությունների սեղանին, համբերություն և բարի կամք ցուցաբերել:
Ինչ վերաբերում է Հայաստանում հակառուսական տրամադրությունների վերաբերյալ հարցին՝ Զյուգանովը նշել է, որ Ռուսաստանից հեռացողների համար վատ վիճակ է ստեղծվում, և Հայաստանն ու հայ ժողովուրդը շատ լավ գիտեն դա: Նրա խոսքով, Ռուսաստանում էլ կան բազմաթիվ մարդիկ, որոնք երգում են ամերիկյան դուդուկի տակ: Զյուգանովի խոսքով՝ չպետք է թույլ տալ, որ Հայաստանում այդ ուժերը ազատություն ստանան: «Թույլ չենք տա նրանց ազատություն ստանալ», - ասել է ռուս կոմունիստների առաջնորդը:
