Հայաստանի ազգային հավաքականի ավագ Հենրիխ Մխիթարյանը ինչպես արդեն տեղեկացրել ենք նոր ակումբ ունի: Ֆուտբոլիստը տեղափոխվեց Լոնդոնի «Արսենալ»: Լոնդոնյան թիմի գլխավոր մարզիչ Արսեն Վենգերը մեկնաբանել է ֆուտբոլիստի տեղափոխությունը. «Հենրիխը լիարժեք խաղացող է:
Նա պահեր է ստեղծում, լավ պաշտպանվում է և շատ նվիրված է: Նա ունի բոլոր հատկանիշները», — Արսեն Վենգերի խոսքը մեջբերում է լոնդոնյան թիմի կայքը: Հիշեցնենք, որ Մխիթարյանը «Մանչեսթեր Յուանյթեդ» էր տեղափոխվել Դորտմունդի «Բորուսիա»-ից 2016թ-ին: Անգլիական ակումբի կազմում նվաճել է Եվրոպայի լիգայի, Անգլիայի ֆուտբոլի լիգայի գավաթները և Անգլիայի Սուպերգավաթը:
