«Փաստ» թերթը գրում է.
«ՀՀ նախագահ Սերժ Սարգսյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ. տարեկան հայտարարագիրը:
Նախագահի հայտարարագրի համաձայն՝ նախորդ տարի նա ունեցել է 107 միլիոն 988 հազար դրամ փոխառություններ, որոնք տարվա ընթացքում փոփոխություն չեն կրել: Դրամական միջոցները մի փոքր ավելացել են: Եթե տարվա սկզբին Սարգսյանն ունեցել է 21 միլիոն 100 հազար դրամ, ապա տարեվերջին՝ 24 միլիոն 300 հազար:
Տարեկան եկամուտները կազմել են 26 միլիոն 200 հազար դրամ, որից 11 միլիոն 757 հազարն ու 2 միլիոն 400 հազար դրամը աշխատավարձեր են, իսկ 12 միլիոն 42 հազար դրամը տրված փոխառությունների՝ վարկերի դիմաց ստացված տոկոսն ու հատուցումը:
Նախագահի կինը՝ Ռիտա Սարգսյանը, հայտարարագրել է 18 միլիոն 600 հազար դրամ դրամական միջոցներ ու 10 միլիոն 553 հազար դրամ եկամուտ՝ փոխառությունների դիմաց ստացված տոկոսից:
Շարունակությունը՝ թերթի այսօրվա համարում:
