ՀՀ վարչապետ Նիկոլ Փաշինյանը Երևանի մետրոպոլիտենի կայարաններում սահմանադրական փոփոխությունների հանրաքվեի քարոզարշավի «Այո»-ի բուկլետներ է բաժանում քաղաքացիներին: Փաշինյանը «Ֆեյսբուք»-ի իր էջով ապահովել է ուղիղ միացում:
«Մեկ «Այո»-ն՝ մեկ նկար»,- վարչապետն այսպիսի յուրօրինակ «ընտրակաշառք» առաջարկեց իր հետ լուսանկարվել ցանկացող քաղաքացիներին: Փաշինյանի կատակը, իհարկե, ծիծաղեցրեց ներկաներին:
Նշենք, որ վարչապետի հետ են նաև նրա դուստրերը՝ Մարիամը և Շուշանիկը, ովքեր ծաղիկներ են նվիրում կանանց:
Սահմանադրական փոփոխությունների հանրաքվեն կկայանա ապրիլի 5-ին: Հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը:
