ՀՀ-ն այժմ կացարան է փնտրում ՀՀ այն քաղաքացիների համար, ովքեր ՌԴ-ում են, աշխատանք չունենք, չունեն նաև ֆինանսական միջոցներ՝ հայրենիք վերադառնալու համար:
«Խնդիրը բարդանում է նրանով, որ շատերը, հնարավոր է, որ վարակված են, իսկ վարակված «ոչ քաղաքացիներին» բժշկական ծառայություններ չեն մատուցում: Մեղմ ասած՝ խնդիրը լուրջ է: Աշխատում ենք, որ իրավիճակը հնարավորինս մեղմենք:
Ըստ Զ. Սինանյանի՝ կան այնպիսի սփյուռքահայեր, ովքեր ցանկություն են հայտնել կարանտինը ՀՀ-ում անցկացնելու, սակայն ՀՀ-ում չունեն տեղեկատվություն, թե նրանց թիվը մի քանի հարյու՞րն է, թե՞ մի քանի հազարը, որպեսզի պատրաստ լինեն նրանց այստեղ ընդունելու:
ՀՀ-ն այս օրերին առերեսվել է նաև մեկ այլ խնդրի. Սիրիայից ՀՀ տեղափոխված սիրիահայերը, որոնց 85 տոկոսը այստեղ վարձակալությամբ բնակարաններում է ապրում, և նրանց եկամտի միակ աղբյուրն իրենց բիզնեսն է, այս օրերին հայտնվել են ֆինանսական դժվարությունների առջև: Այս պահին նրանց աջակցելու ծրագիր չկա:
«Մենք փորձում ենք ձև գտնել, աշխատանքի և սոցիալական հարցերի նախարարությանը, ինչ-որ ծրագիր առաջարկել, որը խտրական չի լինի, բայց կկարողանա բավարարել այս յուրահատուկ պահանջը»,- ասաց Սփյուռքի գործերի հանձնակատարը:
