Կորոնավիրուսի համավարակի 23 օրերի ընթացքում միլիարդատերերը 238 մլրդ դոլար են աշխատել՝ ի հավելումն իրենց ունեցվածքի, Քաղաքական հետազոտությունների ինստիտուտի զեկույցի տվյալներն է փոխանցում Fox News-ը։

Նշվում է, որ երկրագնդի ամենահարուստ մարդկանց ունեցվածքը աճել է մարտի 18-ից ապրիլի 10-ն ընկած ժամանակահատվածում, երբ 22 միլիոն ամերիկացիներ համավարակի պատճառով զրկվել են աշխատանքից։

Ընդ որում, մանավորապես, ութ միլիարդատերերից յուրաքանչյուրը աշխատել է ավելի քան 1 մլրդ դոլար։ Խոսքը Ջեֆ Բեզոսի, Իլոն Մասկի, Մաքքենզի Բեզոսի, Էրիկ Յուանի, Սթիվ Բոլմերի, Ջոն Ալբերտո Սոբրատոյի, Ջոշուա Հարիսի եւ Ռոկո Կոմիսսոյի մասին է։

Հետազոտության մեջ ասվում է, որ ամենից շատ աշխատել է Բեզոսը, մասնավորապես, Amazon Prime առաքման ծառայության աշխատանքի շնորհիվ, որը հանրահայտ է կարանտինը պահպանող բնակչության շրջանում։

Amazon-ի տիրոջ կարողությունը մեծացել է ավելի քան 25 մլրդ դոլարով՝ հունվարի 1-ից, եւ 12 մլրդ դոլարով՝ փետրվարի 1-ից։