Ոչ մեկին պետք չեկող վենեսուելական նավթով բեռնված տանկերները մի քանի ամիս շարունակ գտնվում են տարբեր ծովերում, քանի որ համաշխարհային նավթավերամշակման գործարանները վախենում են ամերիկյան պատժամիջոցների վտանգից, գրում է Reuters գործակալությունը՝ վկայակոչելով Վենեսուելայի նավթագազային պետական PDVSA ընկերության աղբյուրներին։
Refinitiv Eikon-ի փոխանցմամբ՝ առնվազն 16 տանկեր կանգնած են ծովերում: Ընդհանուր առմամբ, նրանք տեղափոխում են ավելի քան 18 միլիոն տոննա հումք, ինչը համարժեք է այն նավթի ծավալին, որը երկիրը արտահանում է երկու ամսվա ընթացքում։ Նավերի մի մասը ծովում է գտնվում ավելի քան վեց ամիս: Նրանք մի քանի անգամ ժամանել են նավահանգիստներ, սակայն չեն կարողացել նավթ վաճառել:
Վաշինգթոնը խստացնում է պատժամիջոցները Վենեսուելայի նկատմամբ՝ թույլ չտալով հումքի արտահանումը երկրից և նախագահ Նիկոլաս Մադուրոյի ռեժիմին զրկելով եկամտի հիմնական աղբյուրից: