Իրավապաշտպան Ավետիք Իշխանյանն իր ֆեյսբուքյան էջում գրել է.
«ՀԱՅԱՍՏԱՆԻ ՀՊԱՏԱԿ ՔԱՂԱՔԱՑԻՆԵՐ
Նայեցի վարչապետ Նիկոլ Փաշինյանի մարզային ուղևորության ժամանակ գանձակեցի տարքով կնոջ հետ հանդիպման տեսանյութն․․․ ու անհարմար զգացի։ Կինը պատրաստ էր չոքել վարչապետի առջև․ «Ես քո ոտը ուզում եմ պաչեմ»։ Հիշեցի տարիներ առաջ Կարեն Դեմիրճյանի և այլոց նախընտրական հանդիպումները, երբ նրանց ընդունում էին որպես փրկիչներ, ոչխար մորթում ոտքերի առաջ և երկրպագում։ Ցավով եմ նշում, բայց այս ամենը ցույց է տալիս , մեր ժողովրդի որոշակի հատվածի, գուցե մեծամասնությա՞ն, հպատակային հոգեբանությունը։ Եվ , առավել ցավալին այն է, որ «փրկիչներին» այդ դուր է գալիս։ Հապա, ինչպե՞ս բացատրել տեսանյութի տարածումը։ Արդյոք,այսպիսի՞ն է պատկերացնում Նիկոլ Փաշինյանը Հայաստանի «հպարտ քաղաքացիներին»։
Հ․Գ․ Թող ինձ ներեն հայաստանյան լրատվամիջոցները, բայց այսպիսի նվաստացուցիչ նյութ մեր ժողովրդի մասին ես չէի հրապարակի»։
