ՌԴ Քննչական կոմիտեի Կոմի Հանրապետության քննչական մարմինները նախկինում դատված Ուստ-Կուլոմսկի շրջանի 27-ամյա բնակչին մեղադրում են 14 տարին չլրացած տուժողի նկատմամբ բռնաբարության փորձ կատարելու մեջ: Քննության տվյալներով՝ 2012թ. դեկտեմբերի 26-ին Յուգիդյագ ավանի Բոգդան Խմելնիցկու փողոցում կասկածյալը, ում մոտ կան մտավոր հետամնացության նշաններ, բռնել է իր մոտով անցնող 10-ամյա աղջկան և քարշ տվել դեպի իր տուն' նպատակ ունենալով նրա նկատմամբ կատարել սեռական բնույթի հանցագործություն, նշված է ՌԴ Քննչական կոմիտեի պաշտոնական կայքում: Սակայն հանցագործն իր մտադրությունը չի կարողացել մինչև վերջ իրագործել, քանի որ այս ամենին միջամտել է մի անցորդ: Փորձագետների եզրակացությամբ՝ տղամարդը ճանաչվել է մեղսունակ և բժշկական բնույթի ստիպողական միջոցառումների կարիք չունեցող:
Քննության կողմից հավաքվել են բավարար քանակությամբ փաստեր և քրեական գործը մեղադրական եզրակացության հաստատումից հետո կուղարկվի դատարան' ըստ էության քննելու համար: