Ռուսաստանի արտգործնախարար Սերգեյ Լավրովը հոկտեմբերի 12-ին Մոսկվայում բանակցություններ կվարի իր հայ գործընկերոջ' Զոհրաբ Մնացականյանի հետ, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։

«Հոկտեմբերի 12-ին նախատեսվում են բանակցություններ Ռուսաստանի և Հայաստանի արտաքին գործերի նախարարների միջև՝ վերջինիս Մոսկվա նախատեսվող այցի շրջանակներում», - ասել է Զախարովան։

Թարմացում.

ՀՀ ԱԳՆ մամուլի խոսնակ Աննա Նաղդալյանը Ֆեյսբուքի իր էջում գրել է, որ արդեն իսկ որոշակի ժամանակ է՝ նախապատրաստական աշխատանքներ են իրականացվում Մոսկվա ՀՀ ԱԳ նախարար Զոհրաբ Մնացականյանի պաշտոնական այցի կազմակերպման ուղղությամբ: Այցը տեղի է ունենալու հոկտեմբերի 12-ին: