Գերմանիայի Լայպցիգ քաղաքում ցուցարարները քարեր, շշեր և դյուրավառ նյութեր են նետել ոստիկանության վրա: Մոտ 150 ցուցարարներ բողոքի ցույց էին կազմակերպել կիրակի երեկոյան՝ ընդդեմ իրավապահ մարմինների ներկայացուցիչների: Ավելի ուշ մասնակիցների թիվը հասավ 300-ի։ Ապա նրանք սկսեցին երթ կատարել քաղաքով: Ի պատասխան ոստիկանության գործողություններին՝ ցուցարարները սկսեցին քարեր, շշեր ու դյուրավառ նյութեր նետել ոստիկանության ուղղությամբ: Երթը դադարեցվեց, մարդկանց մի մասը փախավ։ Բողոքի ցույցն ավարտվեց: Ցույցի ժամանակ դեպքի վայրից լրագրողները հայտնել են, որ ոստիկանությունը խոչընդոտում է իրենց աշխատանքը: Ոստիկանությունը հետաքննություն է սկսել, այդ թվում՝ իրավապահների կողմից ուժի անհիմն օգտագործման մասին հաղորդագրությունների հետ կապված: Բախումների ընթացքում տուժածների կամ բերման ենթարկվածների մասին տեղեկություններ չեն հաղորդվում:
