Forbes ամսագիրը հրապարակել է «Ռուսաստանի անշարժ գույքի արքաների» ցուցակը՝ վարձավճարից ամենաբարձր եկամուտ ստացող ընկերությունների ղեկավարներին:
Առաջին տեղում է «Կիևսկայա պլոշադ»֊ը: Հրապարակման համաձայն՝ 2020 թվականին ընկերությունը վարձույթից ավելի քան 1,2 միլիարդ դոլար է վաստակել: «Կիևսկայա պլոշադ»֊ի ամենամեծ օբյեկտներից են «Ֆուդ Սիթի» մեծածախ և մանրածախ սննդի կենտրոնը և «Էվրոպեյսկի» առևտրի և զվարճանքի համալիրը: Երկրորդ տեղը զբաղեցնում է Սամվել Կարապետյանի «Տաշիր գրուպը»՝ 585 միլիոն դոլար վարձակալության եկամուտով: Ընկերության հիմնական օբյեկտներն են Դմիտրովսկոե մայրուղու «Ռիո» առևտրի կենտրոնը, «Կվարտալ Ուեսթ» բազմաֆունկցիոնալ համալիրը և «Մոսկվա Սիթի» հյուրանոցը: Առաջատարների ցանկը փակում է «Սաֆմարը»: Նրա եկամուտը կազմել է 460 միլիոն դոլար: «Սաֆմարին» են պատկանում «Moscow Mariott Grand և National» հյուրանոցները, «Kaleidoscope» առևտրի կենտրոնը, ինչպես նաև պահեստի գրեթե մեկուկես միլիոն քառակուսի մետր տարածք:
Forbes- ը բացատրել է, որ այն հաշվում է միայն ընկերությունների վարձույթից ստացված եկամուտը: Հաշվի չեն առնվել այն տարածքները, որոնք օգտատերերը օգտագործում են իրենց սեփական կարիքների համար:
