Ցավոք, Արցախի տարածքից Հայաստանի զինված ուժերը դուրս բերելու մասին տեղեկությունները հաստատված են, գրում է Բաղրամյան26 տելեգրամյան ալիքը: Ըստ ալիքի աղբյուրի, ով բարձրաստիճան պաշտոնյա է, սկսվել է Հայաստանի զինված ուժերի զինծառայողներին Արցախից դուրս բերելու գործընթացը: Արցախում կմնան միայն տեղի բնակիչներից կազմված ստորաբաժանումները: Հայաստանից զորակոչիկներն այլևս չեն ուղարկվի ծառայելու Արցախում: Միևնույն ժամանակ, յուրաքանչյուր ոք, ով ցանկանում է ծառայել Արցախի բանակում, կկարողանա դա անել կամավորության սկզբունքով: Ուղիներից մեկը պայմանագիր կնքելն ու Արցախում ծառայելն է: Այսպիսով, Արցախի անվտանգությունն առաջիկայում կախված կլինի միայն ռուս խաղաղապահներից և Արցախի բանակից, որը բաղկացած է հիմնականում տեղի բնակիչներից, ինչպես նաև Հայաստանից կամավորներից: