Ամառային արձակուրդներին ընդառաջ հրաշալի նորություն Սյունիքի մարզի դպրոցականների համար: 2022 թվականի հունիսի 5-ին «Ռուսական գրքի տունը Երևանում» «Լիվըր» ընկերության հետ համատեղ կազմակերպել էր Լև Տոլստոյի անվան գրական և գեղարվեստական մրցույթ դպրոցականների համար:
 
Որպես մրցույթի թեմաներ են ընտրվել ռուս մեծ գրողի «Մանկություն», «Պատանեկություն», «Երիտասարդություն» եռագրությունը,  «Պարահանդեսից հետո» և «Ինչով են մարդիկ ապրում» պատմվածքները։
 
Ի՞նչ պետք է անել։ Անհրաժեշտ է կարդալ այս ստեղծագործություններից մեկի բնօրինակը: Դրանից տպավորված գրել նոր պատմություն (էսսե) ռուսերենով կամ նկարել:
 
Մրցույթին կարող են մասնակցել պետական, մասնավոր, լրացուցիչ ուսումնական հաստատությունների և ստեղծագործական կենտրոնների 7-12-րդ դասարանների աշակերտները։ Աշխատանքների ընդունման վերջնաժամկետն է ս․ թ․ հոկտեմբերի 15-ը, իսկ վերջնական արդյունքները կհայտարարվեն հուլիսի 15-ին։
 
Իսկ ի՞նչ կստանան հաղթողները։ Մրցույթի ժյուրին կընտրի 15 լավագույն աշխատանքները և հեղինակների հետ կանցկացնի հարցազրույց, ինչի արդյունքում պարզ կլինի, թե ովքեր են առաջին երեք հորիզոնականներ զբաղեցնողները։ 1-ին հորիզոնականը զբաղեցրած մասնակիցը կստանա 500 000 դրամ մրցանակ, 2-րդ հորիզոնականը` 400 000 դրամ, 3-րդ հորիզոնականը` 300 000 դրամ։
 
Մրցույթն ունի աննախադեպ մրցանակային ֆոնդ, և լավագույն 15 աշխատանքների հեղինակները կստանան մրցանակներ։ Հաղթողներ կընտրվեն համամասնորեն Սյունիքի մարզի բոլոր համայնքներից։
 
 Աշխատանքները կարող եք ուղարկել [email protected] էլ. հասցեին։ Իսկ մանրամասների համար խնդրում ենք այցելել Литературный и художественный конкурс имени Л. Толстого ֆեյսբուքյան էջ կամ զանգահարել 098398448 հեռախոսահամարին։