Ինչպես արդեն հայտնել էինք, այսօր բողոքի ակցիա էր սկսվել Արարատի մարզում, որտեղ 2000-ից ավելի գյուղացիներ բողոքում էին, որ իրենց աճեցրած ծիրանը փորձում են ցածր գնով գնել իրենցից: Գյուղտնտեսության փոխնախարար Ռոբերտ Մակարյանը shamshyan.com-ին հայտնեց, որ անձամբ մեկնել է Արարատի մարզ' ստեղծված իրավիճակը պարզաբանելու համար: Նախարարը հայտնեց, որ հարցը կարելի է լուծված համարել, քանի որ նա պայմանվորվածություն է ձեռք բերել «Սպայկա» ընկերության հետ: «Այսուհետ, նախկինում մեկ արկղ (12-13կգ) ծիրան մթերելու համար գյուղացիներին կվճարվի ոչ թե 4000 դրամ, այլ' 500 դրամ' մեկ կիլոգրամի համար»: Փոխնախարարը «Սպայկա» ընկերության անունից հայտարարել է, որ վերջինս պատրաստ է գնել մթերված ամբողջ բերքը: