Թերթը գրում է, որ «Հրապարակ»-ը դեռևս մայիսին անդրադարձել է Արմավիրի մարզի բնակիչ Գոհար Թադևոսյանի մեքենայություններին զոհ գնացած ընտանիքների թեմային: Ինչպես նշում է թերթը, Գ.Թադևոսյանը հարստություն է դիզել տոկոսով գումար տալով ու դրա դիմաց ստորագրած ստացականները կեղծելով: Հետագայում այդ կեղծված ստացականներն օգտագործել էր շահույթն ամսեամիս մեծացնելու նպատակով: Խարդախության փաստի առթիվ ոստիկանության Էջմիածնի բաժնում հարուցվել է քրեական գործ' ՀՀ քրեական օրենսգրքի 213-րդ հոդվածի 1-ին մասով: Գ.Թադևոսյանի զոհերից Ռուզան Թոսունյանը գրել էր, որ եթե արդարադատությունն անարդար գտնվի և Գ.Թադևոսյանի նկատմամբ սանկցիա չկիրառվի, ինքը կհրկիզի տունն էլ, իրեն էլ: «Եվ որպեսզի ամիսներ ձգձգվող այս գործի հնչեղությունն ավելի լսելի դարձնի, իսկ իրեն ներկայացնի սրբի լուսապսակով, Ռուզան Թոսունյանի փոխանցմամբ, խարդախ վաշխառուն հայտարարություն է արել: Ասել է' կանչելու եմ լրագրողներին, բենզինը լցնեմ վրաս, վառեմ, որ հասկական, որ ես անմեղ եմ»,- գրում է թերթը: Հոդվածն ամբողջությամբ կարդացեք «Հրապարակ» օրաթերթի' 09.07.2013թ. համարում: