Հուլիսի 14-ի գիշերը Թուրքիայի խոշորագույն քաղաքներում' Ստամբուլում, Անկարայում, Հաթայում, մեծամասշտաբ բախումներ են տեղի ունեցել ոստիկանության և ցուցարարների միջև. հայտնում է Agence France-Presse-ը:

Ցուցարարներին ցրելու համար ոստիկանությունը գործի է դրել ջրցան մեքենաներ, արցունաքաբեր գազ և ռետինե փամփուշտներ: Ստամբուլում շուրջ 1000 ցուցարար փորձել է դուրս գալ Թաքսիմ հրապարակ, սակայն այդ փորձը կասեցվել է Իսթիքլալ պուրակի մոտակայքում:

Ինչպես հստակեցնում է Deutsche Welle-ն, Թաքսիմ հրապարակի մատույցներում ցուցարարներին և լրագրողներին դիմավորել են փայտե մահակներով զինված անձինք' ենթադրաբար Ռեջեփ Թայյիփ Էրդողանի կողմնակիցները:

Անկարայում բախումների արդյունքում վիրավորվել է 100 մարդ: