Չիլիական Պատագոնիայում գտնվող վառ երկնագույն մարմարե քարանձավները, որոնք մասամբ ընկղմված են Կարրերա լճի փիրուզագույն ջրերի մեջ, ուղղակի ապշեցնում են իրենց հրաշագեղությամբ։

Քարանձավները բաղկացած են երեք մասերից, որոնք տեղաբնակները կոչել են Լա Կապիլլա, Էլ Կատեդրալ և Լա Կուեվա։ Ցանկացողները հնարավորություն ունեն հիանալու այդ քարանձավներով փոքրիկ նավակով այնտեղ գնալով։

Ներկայումս բնության այս հրաշքին վտանգ է սպառնում, քանի որ տվյալ շրջանում հինգ խոշոր ամբարտակներ են կառուցվում։