«Ծառայե՞լ եք ՀՀ զինված ուժերում». Հայաստանի երիտասարդական հիմնադրամը ՀՀ բանակի 22-ամյա հոբելյանի կապակցությամբ այս թեմայով հարցում անցկացրեց շուրջ 100 երիտասարդների շրջանում: Նրանց մեծամասնությունը ծառայել էր բանակում և կոչ էր անում բոլոր երիտասարդներին անպայման ծառայել ՀՀ զինված ուժերում:

 

ՀԵՀ-ը ևս կոչ է անում բոլոր հայ երիտասարդներին ծառայել Հայոց բանակում և հարգանքով մոտենալ մեր զինծառայողներին ու նրանց ընտանիքներին:

 

Հիմնադրամը Բանակի օրվա առթիվ մի շարք միջոցառումներ է իրականացնում։ Մասնավորապես, հիմնադրամի Լոռու, Շիրակի, Սյունիքի մարզային կենտրոնները ՀՀ զինված ուժերի կազմավորման 22-րդ տարեդարձի օրը կազմակերպում են երիտասարդների, ապագա զորակոչիկների այցելություններ զորամասեր, ինտելեկտուալ խաղեր զինվորների շրջանում, համերգային ծրագրեր։ Բացի այդ, ՀԵՀ-ը համակարգչային հերթական լսարանը կբացի Տավուշի մարզում տեղակայված զորամասերից մեկում։

 

ՀՀ զինված ուժերը տարածաշրջանում հավասարակշռության, խաղաղության ու կայունության պահպանման ամենակարևոր երաշխավորներից է: Շնորհավորում ենք Բանակի տոնի կապակցությամբ և շնորհակալություն հայտնում զինվորներին ու սպաներին մեր անդորրը պահպանելու համար:

 

 

Մանրամասները՝ տեսանյութում

 

 

Հայաստանի երիտասարդական հիմնադրամի հասարակայնության հետ կապերի ծառայություն