Լոս Անջելեսից 7-ամյա Դիլան Շիգել անունով մի տղայի հաջողվել է 750.000 դոլար հավաքել իր «Շոկոլադե սալիկ» անվանումով գրքի վաճառքից, գրում է Daily Mail-ը։

 

Այժմ Դիլանը փորձում է այդ թիվը հասցնել 1 մլն դոլարի՝ իր լավագույն ընկերոջ՝ 8-ամյա Ջոնահ Փուրնազարյանի հիվանդության բուժման նպատակով (գլիկոգենոզ)։

 

Դիլանը շատ է մտահոգվել ընկերոջ հիվանդության մասին իմանալուց հետո։ Նրա ծնողները խոստացել են, որ կօգնեն որդուն թխվածքաբլիթների կամ լիմոնադի վաճառք կազմակերպել՝ գումար հավաքելու նպատակով, սակայն Դիլանն ավելի մեծ պլաններ է ունեցել։

 

«Մի՛ հովանավորեք ինձ։ Ես ցանկանում եմ գիրք գրել»,- ասել է Դիլանը։ Մեկ ժամ անց նա վերադարձել է ծնողների մոտ, մի քանի նկարներ դրել նրանց առաջ և հայտնել, որ դա իր գիրքն է։

 

Դիլանի ընտանիքի անդամները ձեռքով գրված և նկարազարդված գիրքը տպել են և 200 օրինակ վաճառել նրա դպրոցում։ Հետագայում Դիլանի գիրքը վաճառվել է ԱՄՆ բոլոր 50 նահանգներում և աշխարհի 42 երկրներում՝ հավաքելով ավելի քան 750.000 դոլար։

 

«Նա ավելի շատ գումար է հավաքել այս հիվանդության բուժման նպատակով, քան բժշկական հիմնադրամները»,- նշել է բժիշկ Վայնշթայնը։

 

«Whole Foods» ընկերությունը 1.000 շոկոլադե սալիկ է նվիրաբերել, իսկ «Barnes and Noble» գրքերի վաճառքով զբաղվող խոշոր ընկերությունը Դիլանի առաջին գրքի ընթերցանություն է կազմակերպել Լոս Անջելեսում, որը 5.000 դոլար է բերել։

 

Գրքի վաճառքից ստացված բոլոր եկամուտները և նվիրատվություններն ուղարկվել են Ֆլորիդայի համալսարանի Բժշկական դպրոց, որտեղ բժիշկների մի խումբ աշխատում է հիվանդության բուժման ուղղությամբ։

 

«Շոկոլադե սալիկ» արտահայտությունը Դիլանը հաճախ է օգտագործում իր գրքում։ Ըստ նրա՝ ծովափ գնալը շոկոլադե սալիկ է, լողալը շոկոլադե սալիկ է և օգնել ընկերոջը՝ ամենամեծ շոկոլադե սալիկն է, ասվում է գրքում։

 

Ջոնահ Փուրնազարյանի ծնողները՝ Ռաբինը և Լորան, պատմում են, որ իրենք ապրում են մշտական վախի մեջ։ Նրանք վախենում են, որ կարող են քնած մնալ և չհասցնեն տալ տղայի հատուկ սննդակարգի չափաբաժինը։


«Մենք հույս ունենք, որ միշտ կլսենք զարթուցիչի ձայնը, հակառակ դեպքում՝ նա կմահանա»,- պատմել են տղայի ծնողները։

 

Բժիշկ Վայնշթայնը նշել է, որ շնորհիվ Դիլանի գրքի՝ Ջոնահի բուժումն այժմ հնարավոր է։ «Դա այժմ իրական է։ Դա պարզապես երազանք չէ, որ այս երեխան կարող է բուժվել»,- ասել է բժիշկը։

Dylan SiegelGood cause: All of the money raised by Dylan (pictured with his teachers) is being sent to the University of Florida School of Medicine, where a team of researchers is trying to find a cureTouched: The parents of Jonah Pournazarian, Lora and Rabin PournazarianFriends in high places: The boys with Chelsea ClintonRaising awareness: Because of Dylan's efforts, Jonah's rare disease is receiving its first national attentionStory time: Dylan's book uses the term chocolate bar as a synonym for excellent. In the story, he writes: 'I like to help my friends. That is the biggest chocolate bar'Friend indeed: Dylan Siegal hugs his best friend Jonah Pournazarian as their mothers Debra Siegal (left) and Lora Pournazarian (right) speak at a book readingSelf-published: A six-year-old Dylan Siegal wrote and illustrated his book Chocolate Bar to help his friend Jonah PournazarianDylan and Jonah