sport.times.amՊորտուգալիայի հավաքականի կիսապաշտպան Ռաուլ Մեյրելեշը խոսել է Մունդիալ 2014-ի խմբային փուլի երկրորդ տուրի' ԱՄՆ-ի դեմ առաջիկա խաղի սպասելիքներից:
-Չեմ ցանկանում հեռակա նպատակների մասին խոսել: Մունդիալ 2014-ի եզրափակիչ փուլում հայտնվելու պահից մեկ նպատակ են ունեցել' դուրս գալ խմբից: Հիմա էլ նպատակը նույնն է ու պետք է հաղթել ԱՄՆ-ին, քանի որ խաղի այլ ելքի գրանցման դեպքում պայքարը 1/8 եզրափակչում շարունակելու հնարավորություն չենք ունենա:
Գերմանիայի հավաքականի դեմ խաղի հետ համեմատած, պետք է փոխել լուսատախտակի վերջնական հաշիվը: Առաջին խաղի տրամադրվածությամբ ենք դուրս գալու դաշտ ու մտադիր ենք միայն հաղթանակով ավարտել հանդիպումը: Հպարտ ենք նաև, որ Ռոնալդուն մեր թիմում է խաղում: Հրաշքների չենք սպասում, պարզապես ցանկանում ենք, որ Ռոնալդուն խաղա իր ոճով,-ասել է Մեյրելեշը:
