Մյունխենի «Բավարիայի» և Գերմանիայի հավաքականի ֆուտբոլիստ Բաստիան Շվայնշտայգերը ներողություն է խնդրել Դորտմունդի «Բորուսիայից»՝ Աշխարհի առաջնությունում հաղթանակը տոնելիս մյունխենյան բարերից մեկում դորտմունդցիներին երգի միջոցով վիրավորելու համար (անվանել է անբարոյականի զավակներ):

«Ցանկանում եմ ներողություն խնդրել երկրպագուներիցս, մարզիչներից և Դորտմունդի «Բորուսիայից»: Դա երկրպագուների հայտնի երգ էր: Չէի ցանկանում ոչ ոքի նեղացնել: Լավ հարաբերություններ ունեմ «Բորուսիայի» խաղացողների հետ, հատկապես Գրոսկրոյցի»,- ֆուտբոլիստի խոսքը մեջբերում է goal.com-ը: